AAJ SISAKTI HAI SIYAAHI KALAM MAIN

behte ankhon se shabnami sharaare
samet lete the daman main apne
aaj khoon-e-dil hai rista samet ta koi nahi
mera ranj-o-alam apnaane waala koi nahi

aaj mere ansoo pochne waala koi nahi
mere dard-e-dil ka masiha koi nahi
zakhm-e-dil ka marham-zada koi nahi
mere aahon nalon ka farishta koi nahi

aaj sisakti hai siyaahi kalam main
mere lafzon ko naya mod dene koi nahi
bezubaan meri tehreer hai lafz khokhle
aarzoo ke alfaaz uski shayri koi nahi

gamon se ubhaar kar mera masiha
phir gam ke andhere main dhakel diya
aaj mere gam ka madawa koi nahi
mere ansuon ka khareed-daar koi nahi

poochti hai "aarzoo" har kissi se
mera humnawa mera humnasheen koi nahi
jo zindagi ko mod dede rehnuma koi nahi
tareeq-e-zindagi ka ujaala koi nahi