Papa, mujhe apne paas bula lein

Papa, mujhe apne paas bula lein
phir mujhe apni bahun mein sula lein
ya phir jiss shafkat se aap ne mujhe chalna sikhaya
jeise aap ne mujhe parna likhna sikhaya
wese hi mujhe ap k bin jeena bhi sikha dein
dunya ka samna karne ki himmat dila dein

app kehte the mein aap ki gurya hun
masoom hun bohot nadaan hun
to mujhe tanha kiu chor gaye
hamesha k liye kiu moun mor gaye

app kehte thei jahan jayeinge mujhe sath mein le jayeinge
ke mein jo bhi mangun gi mujhe dilayein ge
to mujhe bhi apne jesa safed kafan dila dein
mujhe bhi ooper apne paas bula lein

khud to so gaye aap hamesha k liye
abh mujhe raat mein kon sulaye ga
jabh mein khwaab mein darr jaongi
to mujhe galle laga k kon behlaye ga

khud jaag kar sulate they mujhey
abh to mujhe bilkul neend nahi aati
mene bohot pukara hai aap ko
aap ko meri awaz kiu nahi aati

aap to mujhe rota na dekh paate thei
dekhein kitne anso bahayein hain meine
aap k jaane k baad papa
kitne zakhm khaye hain meine

aap ne to kabhi tanha na chora tha
harr lamhey mera hosla jora tha
phir kiu meri sab umeedein tor gaye
khud benaam basti chale gaye aur mujhe akela chor gaye

jabh kabhi dagmagai main rah mein
aap ne thaama mujhe
ab jab har qadam per dagmagati hoon
tab aap ki hi parchai nazar aati hai mujhe

pyar se pukarte thei aap mera naam
aap hi to sarahte they mera harr kaam
mere sar pe haath rakh k kehte the
mein karungi roshan aap ka naam

abh aap nahi to kahin dil nahin lagta
koi apna bhi abh apna nahi lagta
sab log hi jhootey lagte hein
koi aap sa sacha insaan nahi lagta
aap sa koi bhi iss jehaan mein nahi
aap k bina jeena abh mumkin nahi
mujhe bhi apne jhaan mein bula lein
meri dunya phir se haseen bana dein

papa, mujhe apne paas bula lein..