kiya hua waqt agar taiz raftaar hai

kiya hua waqt agar taiz raftaar hai
meri hasti ulajhne ko tayyar hai

kal talak ek haqeeqat yeh insaan tha
aaj bas ek kahani ka kirdaar hai

itne chehre hain chehroon pe khulta nahi
koun ghamqaar hai koun ghaddar hai

bik rahi hain siyasi wafadariyaan
meri tehzeeb ka ab yeh miyaar hai

maangta hoon ijazat hansi ke liye
kitna majboor yeh lafz mukhtaar hai

to anaa ke hisaroun se baher nikal
dekh phir ghar yeh kitna hawadaar hai

ungliyoon se tapakta hai jis ke lahoo
yeh mere dour e hazir ka fankaar hai

kal jo mukhiya ke manoun se waqif na tha
aaj apne qabiley ka sardaar hai

aye azeez aap kehtey hain jisko ghazal
dard e dil ka saleeqe se izhaar hai ......

ungliyoon se tapakta hai jis ke lahoo
yeh mere dour e hazir ka fankaar hai

haan asli fankaar yehi hey. ur jis ki awaaz mei eik soz hey us ke bare mien keya kehti hein?

RM wrote:

ungliyoon se tapakta hai jis ke lahoo
yeh mere dour e hazir ka fankaar hai

haan asli fankaar yehi hey. ur jis ki awaaz mei eik soz hey us ke bare mien keya kehti hein?

bahut zabardast hai uski awaaz...

Dil ki nazuk ragein phoot-ti hein
yaad itna bhi koi nah aay

kuch yaad aaya

RM wrote:Dil ki nazuk ragein phoot-ti hein
yaad itna bhi koi nah aay

kuch yaad aaya

haan kuch baatein aisi hoti hain jinko insaan nahi bhool paata