Kahaan Gum Hogaya Ai Wada Wafa Karne Waale

Kahaan gum hogaya ai wada wafa karne waale
dil ko dekar ranj-o-alam duur kahin khone waale

tere intezaar main veraan hai ye dil ka nagar
ab aa bhi jaa ai mere dil ko ujaala baqshne waale

raah takti hai betaab nigaahein tere intezaar main
dil na hojaai tujhse barham laut ke na aane waale

ankh ke ansoo bhi suukh gai teri yaad main rote-rote
phir bhi tujhko taras na aaya munh pher ke jaane waale

ek ek lamha na jeene diya teri yaad ke kaale saaye
"aarzoo" ke deep bhi bujh gaye teri yaas main jalne waale